Категорија: Новости

Растеме со посветеност за позитивни промени.

Како што ја одбележуваме четвртата година од Тривити, се потсетуваме на нашите достигнувања во изминатата година. Во изминатите 365 дена, Тривити доживеа значителен раст и успех, благодарение на нашиот посветен тим и довербата на нашите клиенти.

Изминатава година изгледаше вака:

Повеќе од 10.000 пристигнати апликации за вработување, повеќе од 120 успешни приказни за посредување при вработување, повеќе од 200 денови поминати во консалтинг и менторски сесии надополнети со успешното комплетирање на програмите „Управување со човечки капитал“ и „Кариерен развој“ реализирани во временска рамка од 60 дена. Бевме гости на повеќе панел дискусии организирани од нашите партнери и соработници и учесници на Денот за кариерен развој во организација на УКИМ, гости предавачи на проектот Еразмус плус „Digi Coop for Youth employability“, организиран од Младинска алијанса – Крушево.

Покрај тоа, Тривити го прошири својот опсег и влијание со реализацијата на голем внатрешен проект за брендирање во новоотворената фабрика на BMZ Group во Скопје, меѓу другите успешно завршени проекти.

„И оваа година беше сведоштво за нашата непоколеблива посветеност да ги зајакнеме луѓето и да го поттикнеме успехот на пазарот на труд. Благодарни сме за укажаната доверба, а ние продолжуваме со истата посветеност кон нови успеси со фокус кон луѓето и управување со човечкиот капитал во организацијата и нејзината култура“ – изјави Поликарп Арсеновски основач на Тривити.

„Ќе продолжиме да им помагаме на луѓето, бизнисите и заедниците да напредуваат во свет кој постојано се менува, да ги поместуваме границите на она што е можно, добро и важно, а тоа се вработените во компаниите“ – изјави Дејан Ваневски партнер на Тривити.

Она со што се гордееме

Не може а да не го спомнеме Тривити софтверот, кој е срцето на сè што правиме и кој оваа година доби значителен апдејт, со цел подобрување на корисничкото искуство и јазичните функции. Со постојаното надградување и додавање на нови функционалности, сакаме да направиме тој да стане неизоставна и корисна алатка во секојдневието на барање работа и вработување и да биде прв избор за луѓето кои бараат работа, но и за компаниите кои вработуваат.

За крај, како секогаш остануваме отворени за сите ваши препораки, сугестии, можности за соработка – за сѐ она што може да го направи нашето секојдневие побогато за нови можности за сите. Тоа ќе ни биде најубавиот роденденски подарок.

Ви благодариме што сте дел од заедницата Tривити.❤️

Вашата постојана поддршка е нашиот најголем роденденски подарок. 🎈

Во пресрет на четвртиот роденден на Тривити, влегуваме во највозбудливата фаза од нашата приказна!

Се ближи четвртиот роденден на Тривити и влегуваме во навистина возбудлива фаза на нашата развојна приказна. За време на овој четврт роденден, се прашуваме: Зошто сме постојани, Како функционира тоа што го правиме и што е тоа што го нудиме што нè прави поинакви од сите други?

Во моментов, Тривити е многу повеќе од обична агенција за вработување. Со непрекинато развивање и постојани надополнувања, ние сме вистнинското лице на иновацијата во светот на вработувањето. Брендот Тривити претставува високо професионална и креативна енергија што нуди комплексни услуги од полето на управување со човечки капитал: регрутација, регрутмент маркетинг, консултантски услуги во доменот на организациски дизајн и управување со таленти и развој на луѓе, а ова е сѐ што е потребно за подобрување на работењето на компаниите.

Тривити софтверот е создаден од самиот почеток со јасна мисија – да ги спои луѓето кои бараат работа со компаниите кои вработуваат – Тривити софтверот е срцето на сè што правиме. Иако можеби најмалку познато, но Тривити се работи и се развива во позадина уште од март 2018 година, а софтверот е лансиран во Мај 2020 година. Но, ние не застануваме тука, затоа што постојано правиме надоградби кои носат нови бенефити и вредности како за луѓето, така и за фирмите.

Тривити софтвер

Основната идеја на софтверот е да го олесни процесот на барање работа и вработување, па според тоа Тривити софтверот може да се подели на два дела. Едниот дел е наменет за корисниците, односно луѓето кои бараат работа, а другиот дел за компаниите кои вработуваат.

1. За луѓето кои бараат работа

Пред да кажеме збор/два за функционалностите, би сакале да кажеме дека за луѓето кои бараат работа користењето на софтверот е бесплатно, секаде и засекогаш. Е сега откако го расчистивме ова, друга работа што треба да знаете е дека сѐ почнува со креирање на личен кориснички профил на Тривити, кој понатаму се развива во креирање на CV според најсовремени стандарди. Временски гледано овој процес трае најдолго и бара да посветите околу 40-тина минути од вашето време. Наш совет е да ги следите сите чекори без прескокнување и пополнувањето да го направите веродостојно и искрено, бидејќи врз основа на вашите податоци, компетенции и претходни работни искуства алгоритмот кој работи во позадина ќе ве поврзе со најсоодветната работна позиција.

Предноста на креирање Тривити CV e тоа што софтверот ве става во листа на кандидати кои Тривити понатаму ги предлага на компаниите кои објавуваат огласи преку Тривити. Овој процес е анонимен и личните податоци се целосно заштитени. CV-то креирано преку Тривити не е брендирано и може без никаков проблем да се зачува на вашиот компјутер и да го користите за аплицирање на било кој оглас, било каде во светот.

Со новите функционалности кои ги додадовме со последниот апдејт, Тривити CV може да се направи на еден од четирите јазици кои се достапни на Тривити (македонски, англиски, албански и српски). Без разлика на кој јазик ќе биде креирано CV-то, истото може да се зачува во .пдф формат на било кој од останатите јазици.

Дали може да се прават промени во Тривити CV? Секако дека да. Секој пат кога имате нешто ново што сакате додадете или сметате дека некој дел не е битен за позицијата за која сакате да аплицирате едноставно логирајте се на вашиот профил и направете ги потребните измени.

Со креирање на Тривити CV, имате брз и лесен пристап до вашето CV од било кој електронски уред, а можноста за уредување ви овозможува на едноставен начин да ги направите потребните измени кога и да имате потреба за тоа.

2. За компаниите

Покрај тоа што Тривити за компаниите нуди услуги поврзани со регрутација, регрутмент маркетинг и огласување кои се во линија со светските трендови, софтверот дава и дополнителна вредност на тоа како тие ќе се престават.

Слично како и кај личните профили, компаниите креираат свој компаниски кориснички профил кој служи за презентација на компанијата пред потенцијалните кандидати. И во овој случај колку е побогат профилот, толку повеќе информации за компанијата ќе можат да дознаат заитересираните кандидати.

Компаниите од својот профил можат да креираат оглас за работа, кој се објавува на сајтот на Тривити, а дополнително се спонзорира и на социјалните медиуми со цел да има поголема видливост. Заинтересираните кандидати можат да аплицираат на објавениот оглас, а дополнително компаниите можат да ја користат и базата на Тривити за да поканат апликанти со искуство и со аспирација за работа на позицијата според нивниот оглас. Користењето на Тривити софтверот е многу едноставно и компаниите добиваат целосна поддршка од Тривити.

Што се однесува до објавените огласи, тие се прегледни и нивното прикажување е хронолошко – најновите објавени огласи се прикажуваат први. Колку повеќе информации содржи самиот оглас, толку се поголеми шансите да привлече поголем број на заинтересирани кандидати. Доколку во самиот оглас се назначени плата и бенефиции, тие ќе бидат први видливи, со што привлекуваат повеќе апликанти.

Сите апликанти за секој поединечен оглас се прикажуваат на едно место и компаниите можат да управуваат со апликациите веднаш, без да има потреба да прават download. За кандидатите кои не се одбрани да продолжат со процесот на интервјуа, направена е предефинирана порака со која се известуваат дека не се одбрани во потесната селекција, а која може да се испрати по мејл или по смс. Листата на апликанти е прегледна и наменета да служи како алатка за регрутација.

Друга функционалност овозможува CV-јата на кандидатите да се испраќаат по мејл и клиентот ги добива правилно именувани по следниот редослед: датум на аплицирање, име и презиме и работна позиција.