Топ 5 најбарани и популарни работни позиции за 2025 година!

Како што влегуваме во 2025, пазарот на труд продолжува да се менува со нови технологии и економски трендови. Некои позиции продолжуваат да бидат во фокусот, додека други нови ќе ги дефинираат идните работни можности. Во оваа статија, ќе ги разгледаме топ 5 најбарани и популарни работни позиции кои ќе го обликуваат пазарот на труд за 2025 година во регионов и Европа.

1️⃣ Специјалисти за анализа на податоци и вештачка интелигенција

Со растот на дигитализацијата, компаниите активно ќе вработуваат таленти кои ќе ги развиваат и имплементираат иновативни AI решенија. Овие позиции се клучни за создавање на паметни и автоматизирани системи кои се базираат на големи податоци.

Клучни вештини:

  • Python, TensorFlow, R
  • Анализа на податоци
  • Решавање сложени проблеми

2️⃣ Дигитални маркетинг специјалисти

Порастот на онлајн трговијата продолжува да создава потреба за специјалисти кои знаат како да ги оптимизираат маркетинг стратегиите, да го подобрат SEO и да ги управуваат кампањите на социјалните медиуми. Овие специјалисти играат клучна улога во успешната дигитална трансформација на бизнисите.

Клучни вештини:

  • Анализа на податоци
  • Креирање содржини
  • Платени реклами (PPC)
  • Графички дизајн

3️⃣ Развивачи на софтвер и апликации

Софтверот е основа на секоја индустрија денес, што ја прави оваа позиција една од најбараните. Развивачите што работат на создавање на нови апликации и подобрување на постојните играат клучна улога во технологијата и иновациите.

Клучни вештини:

  • JavaScript, React, Python
  • Cloud Computing
  • Развој на апликации

4️⃣ Експерти за сајбер безбедност

Со се поголемиот број сајбер напади и нарушувања на податоците, заштитата на дигиталните системи станува се позначајна. Специјалистите за сајбер безбедност играат витална улога во зачувување на интегритетот на компаниите и безбедноста на податоците.

Клучни вештини:

  • Етичко хакирање
  • Анализа на закани
  • Управување со ризици

5️⃣ Специјалисти за градежништво и инфраструктура

Проектите за патна и железничка инфраструктура, како и обновување на градската инфраструктура, продолжуваат да растат. Со тоа, се зголемува потребата за градежни инженери, проект менаџери и архитекти кои ќе ги реализираат овие важни проекти.

Клучни вештини:

  • Проектно менаџирање
  • Градежни технологии
  • Планирање на инфраструктурни проекти

🔍 Извор:

Податоците се базирани на анализи од пазарите на труд, извештаи за трендови во регрутацијата и прогнози за економскиот развој во регионот и ЕУ.

Овие позиции ја дефинираат иднината на пазарот на труд. Ако ја гледате вашата работна позиција на списокот, или можеби ја имате работата од соништата, сега е време да ги развивате своите вештини и да се подготвите за следниот голем чекор!

Дејан Ваневски гостин на панел дискусија на 22-та Меѓународна младинска конференција „Европски вредности за иднината на земјите во Југоисточна Европа’’

На 22 издание на Меѓународната младинска конференција која се одржa од 26-ти до 30-ти септември 2024 година, во Крушево, честа да се претстави пред повеќе од 80 млади лица ја имаше Дејан Ваневски. Тој учествуваше на панел дискусијата „Дигитални патеки за младински можности: Истражување на патеката за економско зајакнување на младите“, и говореше за улогата на дигиталните платформи, преку споделување на регионални можности за образование, вработување и мобилности.

Дејан и останатите панелистити дискутираа за клучните стратегии за подобрување на економскиот статус на младите. Истакна дека клучните бихејвиорални компетенции се важни за младите луѓе на почетокот на нивната кариера од кои најважни се: тимска работа, резилиентност, флексибилност, познавање на технологии и емпатија.

Компаниите ќе продолжат да бараат таленти од целиот свет, а младите треба да бидат подготвени да се натпреваруваат на тоа ниво.

Исто така ги охрабри младите приустни да не се плашат, да започнат да работат уште од студентски денови. „За време на студиите добиваме знаење, тоа што компаниите го ценат е применливо знаење – компетенција. ‘’Не се срамите да почнете од пониски позици. Стекнете вистинско работно искуство, кое ќе помогне да изградите компетенции кои ќе го помогнат развојот на вашата кариера на долг рок. Учете, развивајте се и заработувајте – чекор по чекор.’’

„Оваа година, конференцијата беше посветена на визијата ‘Отклучување на визијата на младите за Југоисточна Европа 2050’’. Оваа конференција покажа дека гласот на младите мора да биде вклучен во регионалните процеси кои влијаат врз нивната иднина .“

Како да креирате одлично CV: Алатки, Совети и Трендови за 2025-та

Како да креирате одлично CV: Алатки, Совети и Трендови за 2025-та

Вашето CV е првата шанса да оставите силен впечаток кај потенцијалниот работодавач, затоа на денешниот конкурентен пазар на труд, креирањето на професионално и креативно резиме е клучно.

Креирањето на CV со нови алатки и апликации никогаш не било полесно!

Еве како да креирате CV кое ќе го задржи вниманието на луѓето кои регрутираат и вработуваат.

1. Основни Елементи на Секое CV

За почеток, секое CV треба да содржи:

Контакт информации: Вашето целосно име и презиме, телефонски број, е-пошта и опционално линк до вашиот LinkedIn профил.

Професионално резиме: Во неколку реченици напишете краток осврт за тоа кој сте вие, вашето работно искуство и хобија.

Вештини: Нагласете ги вашите лични вештини.

Работно искуство: Внесете ги вашите претходни работни позиции со одговорности и постигнувања.

Образование: Наведете ги вашите дипломи, сертификати и тренинзи.

Дополнителни секции: Јазици, волонтерска работа или хоби (доколку имате)

2. Нови Алатки за Лесно Креирање на CV

Форматирањето повеќе не е проблем. Овие алатки ќе ви помогнат да го креирате вашето CV лесно:

Thrivity CV: Ти овозможува да ги наведуваш твоите знаења и способности во веќе подготвена CV форма.

Canva: Визуелно привлечни, приспособливи шаблони со едноставно уредување.

Zety: Нуди шаблони и совети за CV според вашата индустрија.

Novoresume: Креирајте CV кое е оптимизирано за системи за автоматско скенирање (ATS).

FlowCV: Бесплатна алатка за создавање професионални и чисти CV-а.

Resume.io: Препорачува формати и клучни зборови за различни професии.

3. Трендови за Креирање CV во 2025 година

Следете ги најновите трендови за да бидете чекор понапред:

Оптимизација за ATS: Користете релевантни клучни зборови и едноставен формат за да го поминете автоматското скенирање.

Визуелни елементи: Суптилни графички додатоци, како икони или графикони, стануваат популарни.

Личен бренд: Додајте линк до вашиот социјален профил (доколку го имате).

Интерактивни CV-а: QR кодови што водат до проекти, LinkedIn профил или видео презентации.

Персонализирани CV-а: Прилагодете го CV-то според секоја позиција за која аплицирате.

4. Совети за Креирање Впечатливо CV

Кратко и јасно: Вашето CV треба да биде на една до две страници.

Мерливи постигнувања: Користете бројки за да го прикажете вашиот успех (на пр., „Зголемување на продажбата за 20%“).

Користете акциони глаголи: Почнете ги речениците со зборови како „водев“, „развив“, „постигнав“.

Правописни грешки: Правописните грешки може да остават лош впечаток, затоа прочитајте го два пати пред да го испратите.

5. Иднината на CV-то: Видео и Вештачка Интелигенција

Видео CV-ја: Во некои индустрии, видео резимето станува сѐ попопуларно, овозможувајќи ви да ја покажете вашата личност и комуникациски вештини.

Алатки со ВИ: Платформи како LinkedIn AI и ChatGPT можат да помогнат при оптимизација и форматирање на вашето CV.

Интерактивни портфолија: Веб-страници и дигитални портфолија стануваат клучни, особено за професионалци во дизајн, маркетинг и технологија.

Човечкиот капитал е најголемата криза

Како што наѕираше крајот на Ковид-19 кризата, така мислевме дека работите ќе се вратат по старо или пак потајно се надевавме. Не сакавме да ги прифатиме сигналите кои беа очигледни, а бранот на енергетска и економска криза дека ќе не покрие.

Но, дали новото нормално значи и живот во криза?

човечки капитал

Не! Новото нормално подразбира агилност, креативност и храброст, со искрена надеж дека разумот ќе преовлада во воениот конфликт помеѓу Русија и Украина, и тој ќе заврши поскоро.

По азбучен ред, агилноста е способност системот брзо да одговори на промена преку приспособување на неговата почетна стабилна конфигурација, креативноста е чин на создавање на нешто ново, преку генерирање на идеи или комбинирање на постоечки концепти со одредена цел, а храброста е потфат да се излезе од одредена состојба за да се достигне слободата системот да функционира.

Ако системот го сочинуваат луѓето, тогаш појдовна точка на секоја организација во новото нормално треба да биде фокус кон човечкиот капитал. Знам колку е комплицирано така да размислуваме. И јас сум стопанственик и се соочувам со истите предизвиците како што е раст на цените и трошоците, пад на приходот и профитот, па понекогаш ме обзема чувството дека сум во слободен пад и без компас.

Зошто тогаш толку малку зборуваме, а и правиме за нашата најголема криза, човечкиот капитал. Како да не ги сфаќаме сериозно јавните податоци од последниот попис кои покажуваат дека изгубивме 9.2% од населението за период од 20 години, или пак податоците од истражувањето на Вестминистер каде 58% од младите се изјасниле дека би се иселиле од Македонија.

Дали е најголема криза човечкиот капитал?

Овие информации како да не ни ја потврдуваат кризата со човечки капитал во земјава, во која сме предолго време, а таа директно влијае на ефикасноста на оперативните процеси, продуктивноста и конкурентноста на организациите, но и на потрошувачката која всушност е основен двигател на економијата.

Заглавени каде што сме, на врат со дополнителните глобални влијанија, „удолу длабоко, угоре високо“.

Ако една од основните улоги на лидерот е да прави добро за луѓето во тимот, тогаш ние имаме обврска и можеме да придонесеме не само во рамки на организацијата, туку и да ја поттикнеме општествената одговорност – да придонесеме за и во заедницата.

Едноставно да се грижиме за благосостојбата на луѓето во тимот и организацијата, да ги растеме и развиваме, да обезбедиме конкурентен систем на плати и бенефиции, да ги слушнеме нивните потреби и предлози, да се грижиме за нивното ментално здравје, да креираме тренинг и развојни програми и храбро да ја поттикнеме креативноста.

човечки капитал

Да поттикнеме тие да бидат агилни, што е пат до создавање на агилна организација која ќе може да се прилагоди на „новото нормално“ во која луѓето ќе отвораат нови хоризонти за себе  и за бизнисот.

А камче по камче, мозаик во заедница која поедноставно ќе се носи со предизвиците кои и следуваат.

Затоа на глобалните предизвици треба да одговориме првенствено со нашиот основен, како да се справиме со кризата на човечкиот капитал. Да се вложиме НИЕ во создавање и задржување на агилните, креативните, храбрите, стручните и мотивираните луѓе, кои ќе нѐ движат напред и бизнисот и заедницата.

Ние како ТРИВИТИ, веќе две години се вложуваме во тоа заедно со Кариерниот центар на Универзитетот Св. Кирил и Методиј, се вложуваме во развој на идните професионалци, држиме обуки преку Тривити – Кариерен центар, ги поттикнуваме младите стажанти на претприемачки чекори, се развиваме самите и знаеме дека само тоа е патот за посветли податоци за човечкиот капитал на земјава.

Ве покануваме да ни се придружите, бидејќи секогаш е подобро во друштво.

THRIVITY LEVEL 1: COMPLETED

Не е едноставно да седнеш и да раскажеш на една страна за нешто на кое работиш последните 1159 дена…

На 29 Април 2020 на THRIVITY, му кликнавме ентер и го виде светлото на денот.

И една година е жив, присутен на пазарот. Придонесе многу луѓе да најдат работа, да се стекнат со дополнителни знаења и вештини, а во исто време и многу компании да ги најдат соодветните кандидати за своите организации, да ги создадат тимовите.

Но, приказната почнува многу порано, во февруари 2018 година кога за прв пат ја споделив идејата со моите денешни партнери.

Тргнав да ја скицирам идејата во реалност и во април истата година го запознав Хајан од HASELT, човек кој за жал прерано не напушти, а во огромна мерка е „виновен“ за тоа што THRIVITY постои денес.

По многу разговори, мислење и цртање, проектот го доби проектното име „Талент Маркет“ и почнавме со изработка во јануари 2019 ….

Thrivity

Името THRIVITY и слоганот заслужуваш добра работа ги имавме во ноември 2019.

Во март 2020 сѐ беше спремно, дури имавме и интерна прослава, ние и HASELT, пред официјален старт… И следниот ден влеговме во КОВИД 19 криза. Па така лансирањето на THRIVITY го одложивме за крајот на април, прецизно за 29 април, кога ги објавивме првите огласи. „Машината“ проработе, ги направи првите спојувања помеѓу луѓето кои бараат работа и компаниите кои вработуваат.

И еве нѐ денес, една година потоа. Машината проработе, почнавме од најтешкото ниво.

Платформата работи 24/7, за неа нема полициски час, ниту изолација.

Кога зборувам со тимот на темата прв роденден, реков не славиме прв роденден туку славиме дека една година живот и за тоа креваме здравица.

Во оваа една година особено ми е драго дека сме сите на број и што сме здрави. Горд сум и благодарен на тимот, луѓето и компаниите околу нас кои ни веруваат и постојано не охрабруваат во нашата мисија. Ако треба да издвојам значајни работи кои ја одбележаа првата година на THRIVITY, тогаш тоа се формирањето на THRIVITY Кариерниот центар и издавањето на нашата книга THRIVITY Активатор.

THRIVITY е онлајн пазар на труд и постои да ги спои луѓето кои бараат работа и компаниите кои вработуваат, но пред сѐ нашата основна задача како тим е, несебично да го споделиме целото наше искуство и знаење во областа на човечки капитал и позитивно да влијаеме во општеството во кое создаваме и живееме.

Мои драги колеги, партнери, наши корисници Ви благодарам за довербата и поддршката која несебично ни ја давате секојдневно.

Досега не сме споделиле, името на THRIVITY доаѓа од англискиот збор THRIVE што значи раст, развој, просперитет. Ние избравме да одиме по тој пат, придружете ни се!

THRIVITY, нека ти е среќен ПРВИОТ РОДЕНДЕН!

поликарп - Thrivity