Вчера тимот на Thrivity беше дел од ЈOB FAIR организиран од страна на Brainster.
Среќни сме што бевме дел од ваков тип на настан каде имавме можност да се претставиме пред голем број студенти, идната сила на пазарот на трудот и да се запознаеме со претставници од присутните компании.
Ја преставивме приказната и можностите за вработување преку нашата компанија, како и новиот софтвер на Тривити за креирање на CV на 4 јазици.
Ваквите настани не мотивираат да продолжиме со нашата посветена работа, градејќи врски заедно.
Категорија: Настани
Гостин – говорник Дејан Ваневски на DisruptHR во Скопје
Одвреме-навреме се појавува настан што ги размрдува работите, не тера да размислувате поинаку, не инспирира. Токму таков настан беше DisruptHR кој се одржа на 30ти мај оваа година во едукативниот културен центар Лабораториум, а на него зборуваше нашиот драг колега Дејан Ваневски кој со својата импресивна презентација и мотивирачки дух внесе свежина и инспирираше околу 100 слушатели и учесници на настанот.
Дејан Ваневски со неговата презентација на тема: Отклучување на потенцијалот: Поставување на талент онаму каде што може да напредува. Зборуваше за улогите на човечките ресурси во организациите, за основни бихејвиорални компетенции, основни активности за човечки ресурси во денешницата и опфати уште неколку теми во своето 15минутно излегување.
![](https://thrivity.com.mk/wp-content/uploads/2024/05/viber_image_2024-05-30_19-34-21-430-1024x576.jpg)
DisruptHR е размена на информации кои се осмислени да пренесат искуство, да дадат енергија и моќ на луѓето во HR полето, светски познат интернационален настан што се одржува низ стотици градови ширум светот, а годинава по вторпат и во Скопје.
Ова е навистина интересен начин да се крене свеста за HR во нашата земја, да сподели некоја иновација и идеја која функционира во работата со луѓе, но, истовременоме и начин за зближување на HR заедницата.
Успешно комплетирана тренинг програмата „Управување со човечки капитал“
Оваа недела се одржа и последниот модул од тренинг програмата „Управување со човечки капитал “.
На предавањата учество земаа 23 учесници: менаџери на сектори, менаџери на човечки ресурси и сопственици на компании кои во своето работење се соочуваат со предизвикот на привлекување, развој и задржување на вработени. Шестте модули се одвиваа во хотел Парк. Предавачите Дејан Ваневски и Поликарп Арсеновски од Тривити, енергично и несебично го споделија своето знаење со останатите присутни.
„Предавањата беа со посебна убава енергија, учесниците внимателно и ангажирано беа вклучени во активностите, мотивирани и инспирирани своето добиено знаење да го пренесат во своите организации, каде ќе целат кон подобрување на процесот на регрутација, ангажираност на вработените и управување со перформансите, планирање и развој на таленти и идни лидери, организациска култура, системот на плати, бенефиции и генерално, кон подобрување на управувањето со човечки капитал.“ – изјави Поликарп Арсеновски.
Особено сме задоволни што и мерењето на задоволството на приустните преку анкетниот прашалник е одлично. Сите 23 учесници, тренинг обуката ја имаат оценето со највисока оцена, а како најкорисни од сите предавања се издвојуваат практичните примери кои предавачите ги споделија.
Сите учесници имаа можност и за меѓусебно запознавање и поврзување за размена на искуства во нивните организации. Истите се стекнаа со сертификати за успешно завршена обука.
Дополнително, на последниот настан, содржината беше збогатена и со средба за вмрежување, каде беа поканети и лицата кои се учесници на бесплатната тренинг програма Кариерен развој, која како паралелна активност ја спроведува Тривити, за вработени и невработени лица, кои се во потрага по прва работа, ново работно место или развој на кариерата.
Во неформална атмосфера своите отворени работни позиции и идни планови за вработување ги претставија компаниите: Неоком, ИТ Лабс, Македонска асоцијација за човечки ресурси, Бучен Козјак, Катлановска бања, Ад Вербум, Галоп ДВ, Luthman Backlund Foods Production LLC, Адвокатско друштво Апостолска, Александровски и Партнери, АЛБО, Екстрабис, Хаселт, Акцент, Вивакс, Микеи Интернационал, Норлига, Јаболчело, Бета Консалтинг.
„Успехот на програмата е доказ за нашата непоколеблива посветеност за подобрување на растот и развојот на организациите, како и управувањето со човечкиот капитал. Позитивните повратни информации, трансформативните успешни приказни и препознатливоста во индустријата служат како мотивација за постојано усовршување и проширување на нашите понуди“ – вели Дејан Ваневски.
Додека ги славиме овие достигнувања, остануваме посветени на развивање на нашите програми за да ги задоволиме динамичните потреби на поединците и компаниите. Тривити е посветена да биде катализатор за позитивни промени, инспирирајќи ги поединците и организациите да напредуваат на пазарите кои постојано се развиваат.
Ја изразуваме нашата благодарност до сите учесници, партнери и гости кои придонесоа за успехот на тренингот. Нивната доверба и поддршка беа клучни во нашиот пат кон трансформирање на условите на пазарот на труд.
Оваа активност е ко-финансирана од Владата на Швајцарија преку Програмата за зголемување на пазарната вработливост – ИМЕ и Тривити.
Тривити имаше можност да се претстави пред 120 млади луѓе од регинот
Поликарп Арсеновски беше истакнат гостин говорник пред 120 млади учесници на Меѓународниот настан за мултипликатор во рамките на проектот Еразмус плус „Digi Coop for Youth employability“.
Тема на пленарната дискусија беше „Отклучување на можностите за прекугранични превозници меѓу Северна Македонија, Бугарија и Грција“, организирана од страна на „Младинска алијанса – Крушево“.
Поликарп на самиот настан говореше за добриот пример и успех на Тривити, како и идните проекти кои Тривити планира да ги развие за подобрување на можноста за вмрежувањето, соработката помеѓу претставниците на различни сектори и овозможување на младите од прекуграничните региони да бараат и да пристапат до нови можности.
Цел на проектот е да се зајакне соработката помеѓу Грција, Северна Македонија и Бугарија преку поддршка на онлајн вмрежување и соработка помеѓу претставници од различни сектори (млади, образование и бизнис), со фокус на решавање на невработеноста кај младите и обезбедување пристап на младите до нови можности и развивање на нoви можности за вработување и претприемачки компетенции.
Во името на Тривити и Поликарп им благодариме на Youth Alliance – Krusevo кои ja препознава Тривити како добра платформа за пронаоѓање на работа и одлична компанија која ги спојува луѓето кои бараат работа и компаниите кои вработуваат.
THRIVITY LEVEL 1: COMPLETED
Не е едноставно да седнеш и да раскажеш на една страна за нешто на кое работиш последните 1159 дена…
На 29 Април 2020 на THRIVITY, му кликнавме ентер и го виде светлото на денот.
И една година е жив, присутен на пазарот. Придонесе многу луѓе да најдат работа, да се стекнат со дополнителни знаења и вештини, а во исто време и многу компании да ги најдат соодветните кандидати за своите организации, да ги создадат тимовите.
Но, приказната почнува многу порано, во февруари 2018 година кога за прв пат ја споделив идејата со моите денешни партнери.
Тргнав да ја скицирам идејата во реалност и во април истата година го запознав Хајан од HASELT, човек кој за жал прерано не напушти, а во огромна мерка е „виновен“ за тоа што THRIVITY постои денес.
По многу разговори, мислење и цртање, проектот го доби проектното име „Талент Маркет“ и почнавме со изработка во јануари 2019 ….
![Thrivity](https://thrivity.com.mk/wp-content/uploads/2023/04/fbthr-1024x768.jpg)
Името THRIVITY и слоганот заслужуваш добра работа ги имавме во ноември 2019.
Во март 2020 сѐ беше спремно, дури имавме и интерна прослава, ние и HASELT, пред официјален старт… И следниот ден влеговме во КОВИД 19 криза. Па така лансирањето на THRIVITY го одложивме за крајот на април, прецизно за 29 април, кога ги објавивме првите огласи. „Машината“ проработе, ги направи првите спојувања помеѓу луѓето кои бараат работа и компаниите кои вработуваат.
И еве нѐ денес, една година потоа. Машината проработе, почнавме од најтешкото ниво.
Платформата работи 24/7, за неа нема полициски час, ниту изолација.
Кога зборувам со тимот на темата прв роденден, реков не славиме прв роденден туку славиме дека една година живот и за тоа креваме здравица.
Во оваа една година особено ми е драго дека сме сите на број и што сме здрави. Горд сум и благодарен на тимот, луѓето и компаниите околу нас кои ни веруваат и постојано не охрабруваат во нашата мисија. Ако треба да издвојам значајни работи кои ја одбележаа првата година на THRIVITY, тогаш тоа се формирањето на THRIVITY Кариерниот центар и издавањето на нашата книга THRIVITY Активатор.
THRIVITY е онлајн пазар на труд и постои да ги спои луѓето кои бараат работа и компаниите кои вработуваат, но пред сѐ нашата основна задача како тим е, несебично да го споделиме целото наше искуство и знаење во областа на човечки капитал и позитивно да влијаеме во општеството во кое создаваме и живееме.
Мои драги колеги, партнери, наши корисници Ви благодарам за довербата и поддршката која несебично ни ја давате секојдневно.
Досега не сме споделиле, името на THRIVITY доаѓа од англискиот збор THRIVE што значи раст, развој, просперитет. Ние избравме да одиме по тој пат, придружете ни се!
THRIVITY, нека ти е среќен ПРВИОТ РОДЕНДЕН!
![поликарп - Thrivity](https://thrivity.com.mk/wp-content/uploads/2023/06/Poli2-1.png)