Зошто немате квалификувани кандидати на вашите огласи?

(И како маркетингот го решава овој проблем)

Здраво! 👋 Јас сум Фросина и моето секојдневие во Thrivity е еден одличен (понекогаш хаотичен, но секогаш забавен) спој на регрутација и дигитален маркетинг.

„Објавивме оглас, плативме за спонзорирање, но добиваме само несоодветни кандидати. Каде се оние квалификуваните?

Одговорот е едноставен, но бара целосна промена на перспективата: Најдобрите кандидати воопшто не бараат работа.

Пазарот на труд се смени.

Пазарот е радикално променет. Податоците со кои располагаме во Thrivity покажуваат дека помеѓу 70% и 80% од глобалната работна сила се пасивни кандидати. Тие веќе се вработени, не отвораат платформи за огласи и остануваат имуни на традиционалните корпоративни повици. Ако се потпирате само на објавување стандарден оглас, вие се натпреварувате во најзаситениот сегмент од само 20% активни баратели, пропуштајќи го талентот кој носи најголема вредност за вашата компанија. Тука стапува на сцена регрутмент маркетингот.

Еволуција: Од активно пребарување кон пасивно откривање

Во минатото, кандидатите демонстрираа намера преку активно пребарување на отворени позиции. Денес, социјалните мрежи се примарната околина каде професионалците консумираат содржина поврзана со кариерата, на истиот начин на кој откриваат нови брендови или производи.

Како човек за дигитален маркетинг, мојата цел е да креирам содржина која ќе го задржи вниманието на тој пасивен талент додека скрола на социјалните мрежи. Целта е природно и автентично да го инспирирам да помисли: „Оваа компанија изгледа како одлично место за мојот следен чекор во кариерата.“

Ние користиме маркетинг алатки, аналитика на податоци и прецизни копирајтинг формули, вклучително и ретаргетинг за да ги пронајдеме и привлечеме луѓето кои ви се навистина потребни.

Специјализираниот пристап кој го елиминира ризикот

Откако маркетингот ќе го донесе вистинскиот профил до нашата врата, нашиот тим преминува во следна фаза од процесот.

За нашите клиенти, ова значи само едно: Ние ви штедиме време и го минимизираме ризикот од скапо и погрешно вработување. Со нашиот пристап, не само што ефикасно ги пополнуваме вашите отворени позиции, туку паралелно помагаме да ја изградите вашата репутација како најпосакуван работодавач на пазарот на труд.

Дали сте подготвени да ја промените стратегијата?  Контактирајте нè и дозволете тимот на Thrivity да ги донесе вистинските луѓе во вашата компанија.